6 de abril, Día Mundial da Actividade Física 2020: cuarentena en movemento.

Neste 6 de abril, Día Mundial da Actividade Física e Día Internacional do Deporte para o Desenvolvemento e a Paz, conflúe a esencia da Educación Física e Deportiva. Non podemos esquecer a importancia do movemento, pero non só para a saúde, xa que a través del, a educación física contribue ao desenvolvemento integral das persoas.
O confinamento non pode ser excusa para que o sedentarismo e a inactividade física se instalen no noso día a día,  ao contrario, esta situación pode ser unha oportunidade para poder ter  mais tempo para realizar exercicio físico. Por iso abogamos por unha  CUARENTENA EN MOVEMENTO!

A Unesco decidiu proclamar o 6 de abril como o Día Internacional do Deporte para o Desenvolvemento e a Paz, co obxectivo de concienciar acerca do papel que o deporte pode desempeñar na promoción dos dereitos humanos e no desenvolvemento económico e social.

Na Resolución do 23 de agosto de 2013 a Unesco sinala que a celebración deste Día reafirma o recoñecemento do:

• Potencial do deporte para contribuir á consecución dos Obxectivos de Desenvolvemento do Milenio, destacando que o deporte pode promover a paz e o progreso e contribuir a á creación dun entorno de tolerancia e comprensión.
• Do deporte como instrumento para a educación, o progreso e a paz, que promove a cooperación, a solidaridade, a tolerancia, a comprensión, a inclusión social e a saúde nos planos local, nacional e internacional.
• Da promoción dos estilos de vida sans, especialmente mediante a actividade física, para a prevención e o control das enfermedades non transmisibles.
• Por toso o anterior: cuarentena en movemento.